中期底部出現

周三 (17TH SEPT 2008) 美國VIX已高出60天移動平均線好多，歷史上當呢個情況一旦出現，代表未來三個月股市可反復上升。

喺紐約交易所上市股份有80%低于200天移動平均線，呢個情況出現亦代表中期底部出現。
加上股票平均息率高出聯儲局息率(2厘)，過去六十年數據喺呢個時候入市賺錢機會好大。

標普五百指數已見五十二周內最低位，咁代表股市過分偏低。由去年10月9日至今標普五百指數已回落24%，相等于過去九次衰退期平均數。

估計恆生指數應喺17000點附近出現強力反彈(周四恆指最低見16300點)。今天証明呢個分析正確。一次中期性(估計長達三個月)上升開始，下周升幅最大應系細價股！因為細價股近日已浴血(Bloody)，估計未來日子升幅可超過100%。通常喺強勢美元下，細價股往往有較出色表現。


美元今年7月16日起轉強，未來細價股應跑贏大企業股。

順勢而行

自從工業革命喺英國發生之後，最易上位方法係順勢而行（事半功倍）。英國工業革命初期，有五十年勞工成本十分穩定，呢段日子最好開廠；然後有五十年勞工成本上升期同埋英國都市化，呢段日子最好投資房地產同內需行業。由工業化開始到繁榮期見頂前後共一百年。美國工業化由1900年開始，直到2000年。但係戰後日本時間減少一半，由1945到90年共四十五年（因戰後日本早已經有一定嘅工業基礎）。好似香港工業化由1950年起步，1980年見頂共三十年，呢段日子廠家發大財。由1967年開始，香港迅速都市化又係三十年，直到1997年本港房地產見頂。至於2003至07年只係再膨脹，發財嘅係金融業同埋令到香港人收入兩極化（只有金融業薪金大幅上升，各行各業跟唔上，出現咗兩個社會）。


幸運嘅係由1967年出嚟社會做嘢，正好趕上香港三十年都市化嘅快車。呢架快車喺1997年7月到站。xx兄能夠上位，係趕上1978至2007年內地工業化快車，可惜呢架快車亦已經喺2007年10月到站。中國「都市化快車」通常喺工業化後第十五年開出，相信係1994年或者95年，理論上要到2024或者2025年才到站，依家只係到咗中途站（類似香港1981至84年嘅三年調整期）。喺呢個中途站有人落車有人上車，然後再開出。如果又係調整三年，即係呢架快車到2010年才開出，低潮應喺2009年。喺投資策略上，大家唔該唔好做Chicken Littles，要「膽大、心細同時嚴守紀律」。如你冇膽就只有做普通人，如你膽大但就心思唔細，仲慘。

如兩者兼備必需學習嚴守紀律。做到不動如山、動如風；平常則靜如水。成功投資者必需要具有山嘅性格（經分析後所建立嘅信念，第二D人改變唔到）。風嘅速度（形勢有利、攻城掠地快如風），平時則靜如止水。

大摩：國指10600支持強

港股接近中午收市稍為喘定，內地股市疲莫能興，上海跌2.6%，深圳更大跌3.4%，但港股並沒有進一步受壓。恒指在中午收市前約35分鐘報20918點，跌343點或1.6%，稍為離開低位20863點，成交187億元。即月期指報20824點，跌436點，低水94點，成交29240張。

國指報11458點，跌206點或1.8%。摩根士丹利指，國指今年以來已調整約29%，估值已吸引，加上市場憧憬內地將推出刺激經濟措施，認為國指在10600點有強勁支持，有望上試該行預測的短期波幅範圍12000至13500的上限。

43隻藍籌股中，下跌的繼續超過35隻，思捷(330)未見起色，挫6.9%，報60.5元，成交活躍，達7.3億元。富士康(2038)跌幅第二大，報5.6元，跌4.4%，成交1400萬元。中資金融股也弱，交行(3328)和中壽(2628)都跌2%，報8.89元和29.25元，成交1.9億和5.2億元。重磅的中移動(941)低位徘徊，報87.55元，跌2.3%，成交緩和，約9.7億元。滙控(5)跌1.5%，報121.7元，成交4.2億元。