"何謂熊市? 「林森池的熊市」定義是什麼?
先睇美國經驗，美國由2000年至2003年是熊市，因為科網2000年泡沫爆破，再加上傳統工業 (e.g. 通用汽車、AIG等指數成份股)都冧埋，花旗由2000年至2003年跌了六成，當大多數重磅企業的賺錢能力縮水，股價必跌，當大多數股票股價跌，大市自然慢慢跌，步入熊市。
香港情形相同，過往指數重磅股係地產加金融，97年地產股(長江除外，因為有賣Orange的特殊盈利)以新地為例97年純利曾經見過140億，然後純利倒退七年，至2003年才見底，很多地產公司都是同樣情況，還拖累銀行(例如恆生，因為以按揭為主，但匯豐業務國際化所以唔駛衰咁耐)，97年亞洲金融風暴打擊地產，地產冧完還有董伯伯的「八萬五」，製造了一個通縮出來，令地產公司衰足七年，03年見底開始慢慢爬上來而最近才過籠，當這些恆指重磅成份股公司盈利年年倒退，股價不會升，當間間公司都唔升，自然跌了個熊市出來。所以睇熊市，要睇公司盈利在邊個位置。例如如果估計某行業未來純利會跌足五至七年，就要即刻賣哂佢。關於國內企業，有無人夠膽講，預測未來四至五年中國經濟會步入通縮，沒有增長，企業盈利一年差過一年，連續衰四五年? 林氏相信，未來三四年盈利增長幅度會放慢(例如800億升到900億再升到950億)，但週期性行業可能會面對盈利倒退，這是必然的，管理層不是神仙，最重要係大氣候，當經濟方向向上(8-9%什至10幾%增長)，公司必定賺錢，增長可能會因為基數加大而放慢，但不是連續倒退，純利減少才是倒退(例如800億跌到600億)。"
沒有留言:
張貼留言