樓市循環

"2003年係買樓好時機,我就係2003年買樓, 捕捉樓市的升跌,並不是一出生就識。

其實我在八零年已經買樓,見過1984年低谷,錯過了,但係在1985年奮身入市,1986年又買,1987年又買,1988年又買,同一時間手持六個單位, 97年係賣樓好時機,我當年6月賣左樓。

8月就去左英國,英國樓市89年狂升之後泡沫爆破於是跌跌................跌到95年已見底, 我在97年買英國樓都唔係好貴,買買買就買左兩間,本來一間自住,一間收租。

後來幾年前我返香港住,就兩間都租俾人,兩年前賣左,升幅一倍,利潤都唔錯。

由1980年開始買樓,看盡樓市兩個低谷,亦看盡一浪一浪上升的市勢,所以在英國買樓亦能捕捉到升勢,其實兩年前我賣兩間英國屋的時候,英國樓市重未升完,但係點解要賣呢,因為我返香港住,當然要投資返香港,又遇到2003年香港樓市低谷,就買買買,到而家手持四個物業,
都係一些買樓經驗,分享一下,等一些未買樓人士都知道買樓的好處
每個樓市升跌浪大約係20年左右啦
第一個五年復甦期2003-2008
第二個五年發展期2008-2013
第三個五年狂熱期2013-2018
原因:.....
2003年沙士令政府及平民經濟重傷,都思考自救出路,大陸方面又出計策相助,所以第一個五年復甦期宣告正式開始, 先是一輪急升以糾正超賣的市況,然後一段平靜消化期,在消化期之末段, 政府又會諗計推出一些活躍市場的措施,例如減厘印,令細價樓業主容易套現, 順著經濟復甦加入換樓潮大軍, 令各級市場均加大活躍程度,隨之會有一個明顯的升勢。
經濟有循環周期, 人人都知, 但係, 點解有循環呢, 未必人人加以深究, 在經濟低谷失業率勁升,政府會救經濟, 出動貨幣政策又或財政政策又或其他方法, 而這些政策是有時差, 即是推出時不會即刻有成果見到, 要時間讓政策發酵, 所以要幾年時間去慢慢復甦。到了復甦之後,即是第二個五年,市民信心回復, 一切如常,樓市係會以正常力度上升, 第三個五年是泡沫形成期, 政府又要想辦法去冷卻, 直至泡沫爆破。
1967至1971第一個五年復甦期
1972至1976第二個五年發展期
1977至1981第三個五年狂熱期
1981-1984樓價大跌超過一半以上,幾間銀行出事,要政府接收
1984至1988第一個五年復甦期
1989至1993第二個五年發展期
1994至1997第三個四年狂熱期
1997-2003樓價大跌超過一半以上,跌超過五年,
歷史上罕見,政府太遲鈍,唔夠醒,係超長衰退期之主因"